كيفكم يا حلوين انا بدي احكيلكم قصتي
هذا انا اجتني مكالمه بالييل كنت نايم وبعالم الاحلام هايم ومابعرف شو كنت احلم كنت متغطي وشارد وكان الجو بارد وفجأه رن التلفون (وابوي مش خلي اشي الا ومسكره التلفون والتسعه والثمانيه يعني الشرطه والدفاع المدني مابتقدر تحكي مع غيروا) رفعت السماعه وقلت نعم والي اجاني هذاك الصوت بنت
بتقول ألو ولا في خيالي تخيلتو صوت انا مابتوقعه واخوكم حسام اذا سمع صوت بنت ع التلفون بصير بطنو يوجعه انا عاد ماعرف ايش احكي وقلت ال ال ال ال ال ال لوووووووووو سالتني مين معي ومن اللخمه قلت معاكي انا بلشت تضحك وبعدين سالتني سوسو موجوده (زي الحجج الي بحكوها الشباب لما برنو عبيت صاحبيتهم ولا يطلعلهم ابوها ويسالو مش بيت ابو محمد) قلتلها حوحو بينفع؟؟ قالت حوحو مين؟؟؟ قلت هذا اسم الدلع تبع حسام الي هوه عندي وضحكت للمره الثانيه على التوالي وقالت شكلي غلطانه قلتلها لاعادي لاشكر على واجب (الصراحه دايما بسمع هالكلمه وبستنى الفرصه اني اقولها) وسكرت السماعه مش عارف شو صار في تصدقوا حسيت بقشعريره في جسمي و صار نفسي اطلع انبطح على العشبات و اكتب قصيدة غزلية الحب يلي الناس بتحكي عنه ينعن ابو الحب ... ما هو القصة انوا انا مش متعود على البنات
لانوا ما شاالله بيتنا فيه اربعه شباب اللي هم انا و ابووي واخواني مش متعودين ع البنات وهذا سبب عدنا عقده تسمى بالعقده الطريخيميه المهم ... قررت أ...ر هاي العقدة ... بس في مشكلة وحده اللي هي اني
ما عندي اسلوب ومالقيت قدامي غير شاب صاحبي اسمه عبود وعبود بتنطبق عليه اغنيه كل البنات بتحبك اخذت مفتاح السياره ورحت لعند عبود وشرحتله وضعي بالحياه وحكيتلو عن رغبتي في فك رغبتي في فك عقدتي قبل ما اموووت فقال الي عبود الموضوع بسيط اذا اعجبت بنت حسسها انها احسن وحده بالعالم قلتله يعني كيف اقلها انتي احسن من رونلدينيوا رد علي عبود معصب ولك انت ثور شو دخل رونلدينيو ياغبي انا قصدي انو تحسسها بانوثتها وانوا مافي بنت غيرها بالعالم قلتله برضو مافهمت يعني بدك اياني اذبح كل بنات العالم واخليها لحالها عبود بلش يلطم وقال لي انت حمار ومارح تفهم الا بالدروس العمليه وفجأه طلع موبايلو وضرب رقم وحكالي شوف كيف رح احكي معها وتعلم قلتله طيب ردت عليه وبلش يحكي كيفك ياعمري كيفك حياتي انا حبيبك ومجنونك وبلش يحكي بحبك وبمووووت فيك انا بدونك مثل البيت حاره السياره بووون سواق التلفون بدووون حراره انا الشارع وانتي الاناره انا البنزين وانتي الشراره انا مبنى التجاره العالميه وانتي الطياره الصراحه انا حبيت اضمو وابوسه لما سمعت هدا الكلام كيف هيه عاد المهم انو خلص المكالمه وصار يطلع علي وحكالي يلا دورك بعطيك رقم بنت وانت تحكي معها متل ما حكيت انا قبل شوي وبعدين ضرب عبود رقم بنت وراح اعطاني تلفون رحت حكيت الو بس سمعت صوتها ضاعت كل دروسي بالهوا ونسيت كل الكلام ورحت قلتلها بابا فين وماحسيت الا بجزمه عبود بوجهي وهمسلي قول الكلام الي قلته انا قبل شوي ياثور رحت قلتلها كيفك ياحياتي ياعمري ردت علي وقالت طيب وبعدين قلتلها انا بدونك مثل الكيبورد بدون ماوس انا مثل التقاطع بدون اشاره السلطه بدون خيار انا بدونك مثل الحمار بون حماره انا الولاعه وانتي السيجاره انا طوط طووط طووووط طوووط سكرت الخط بوجهي سالني عبود شو مالك قلتله لا ولا اشي بس بجوز الخط مشغول وفجأه ماصحيت على حالي والا انا شايف عبود خابطني ع وجهي المهم رجعت للبت وانا وجهي مشطب من ورا راس عبود لدرجه الي بيعرفني وبشوفني مابيعرفني ودخلت ع البيت شوي شوي شوي شوي عشان مايشوفني حدا وطلعت ع غرفتي وسكرت الباب ونمت وصرت بعالم الاحلام هايم مابعرف شو كنت احلم ورن التلفون ورفعت السماعه بسرعه ولا هيه نفس البنت يلي حكت معي اول مره قلتلها نعم وسالتني سوسو موجوده قلتلها اسمعي بيتنا كله شباب ومافي حدا اسمو سوسو او بحرف السين ومافي الا انا واخواني كلنا اسمنا حسام واخوي الصغير اسمه ليث الي هوه قيصل وبناديه عبد الرحمن بلشت البنت تفرط من الضحك وبتحكيلي انت دمك خفيف مفكرتني بتهبل ما بحكي جد وقلتلها شكر عامل حالي
مؤدب يعني وسالتني ايش عم بتسوي قلتلهاوالله كنت نايم قالت ايه انت باللييل بتنام اه ليش متى الواحد بنام قلت قالت انا بنام بالنهار وبسهر بالليل قلتلها ليش الاخت بومه قالتلي لا بس بحيب الليل لانو رومنسي انت بتعتبر حالك رومنسي؟.؟؟؟؟؟ قلت مابعرف سالتني ايش اسمك؟ حكيت حسام سالتني معناه ايش ؟؟؟؟ هذا اسم سيف كان عند جدي وابوي سماني عليه لاني بشبهو وسالتها انتي ايش اسمك وحكتلي اليسا قلتلها بدي اعرف اسمك الحقيقي مش المستعار (عامل حالي بفهم)قالت هدا اسمي والفتلها قصه اني حبيت وحده وخانتي مع اعز اصدقائي سالتني مين هاي الي حبيتها قلتلها حبيت انا وخانتني مع وفجأه قالتلي اوكي بحكي معك بكره لانوا امي بتناديني قلتلها مو مشكله وتطورت العلاقه وصرنا نحكي مع بعض كل يوم ولاحظ الجمييع اني تغيرت يعني نكون قاعدي ع الغدا او العشا وانا دايما مابدي اكل وسرحان طول الوقت وبنسى ثمي مفتوح ولاحظو اني صرت انسان مؤدب وصرت اقرا الشعر والحب والطبخ لا تستغربوا لانو كتب الطبخ بتعلم كلام حلو مثل ياقشطه المهم انو فيه ليله من الليالي طلبت مني اوصفلها شكلي ياحبيبي ع هالبلشه ايش يعني اقللها هسع اني قرد اعترف لها الحقيقيه احكيلها يعني زي الحيط بدون ملامح يعني بتلاقي واحد من الشباب الشنع بالشارع لما تشوفو ما بتعرف وجهوه من ظهره يعني لازم يكتب لافته ويعلقها يكون حاط عليها هنا وجهي بس بعدين حكيت لحالي ماتسوي زي كل الشباب واعرط عليها قلتلها انا عيوني مثل عيون توم كروز وطولي مثب طول فلان ومنخاري مثل منخار فلان ومهضوم كتير مثل علنتان وسالتها اوصفيلي شكلك ما بأدر لما تشوفني بتعرف لانوانا مابشبه حدا قلت اشوفك وكيف يعني رح اشوفك قالت اكيد انا بكره رايحه ع مكه مول وبنتقابل هوناك بكره خميس وهوه بس للعائلات قلت حكت انت زلمه وبتقدر تدبر حالك قلت اوك مش مشكله بس كيف بدي اعرفك في بينا موبايل او ماتوصل احكيلي وبنتفق وين بنشوف بعض وقلت مالي الا عبود اتصل عليه وبتفاهم رنيت عليه ورد علي وهوه عصبي وحكالي نعم ايش بدك ياغبي وحكيتلو كل الي صار من طقطق للسلام عليكم حكالي وضعك صعب ماهو بكره يوم الخميس وهوه للعائلات قلتله شو رايك ندخل زي الخلايجات وتعمل حالك وحده مع بعض فرد علي ولك انا ع اخر العمر بدك تخليني وحده قلتلو يازلمه كلها يوم ومين رح يعرفك طريخم هذا الطلب مابقدر عليه واذا انكشفت القصه للشباب شو بدي احكي حكيتلو يا عمي كيف بدها تنكشف القصة ... منتى حتى وجهك مارح يكون مبين حكالي ليش مش انت تلبس العباية هاي و تسوي حالك وحدة و اكون انا
الشاب حكيتلو يا عبود انا ما بقدر ... لاني حتى لو غطيت حالي رح بكتشفو اني مش بنت من ريحه جراباتي الذكوريه حكالي خلص خلص اوعك حدا يعرف حكيتلو ولا يهمك بجهز حالك بكره انا هسع بنزل ع وسط البلد وبشتريلك عبايه وبمرقلك اياها المهم ثاني يوم اخذت السياره ورحت لبيت عبود ولقيت عند بابا بيتهم شحاده ونزلت هالشحاده تدق ع شباك السياره رحت طلعت من جيبتي نص دبينار كنت ناوي اشتري فيها للصيبه توي... وجكاره بالدعايه وعشان تدعيلي اليوم بوفقني واول مافتحت الشباك بدي اعطيها المصاري ولا افتح الباب الله يوخدك يارب بتحكيلي الصوت مو غريب علي ييييييييييييييييييييييييي ييي عبووووود الله لا يبارك فيك بقولي افتح الباب بسرعه قبل ما يشوفني حدا من اهلي وفتحتلو الباب وركب ووصلنا ع مكه مول ويوم اجينا ندخل وقفنا الحار وقال لحظه لازم مرتك تدخل ع التفتيش عند التفتيش النسائي شو حكيت ليش احنا في مطار ولا في مول اليوم اجانا بلاغ انوممكن يكون في انتحاري بدو يفجر المول ويتنكر بجلباب وبتمنى انكو تتعاونو معنا انو هاي الاجراءات للسلامه و و من هالحكي حكيت للحارس ممكن تتركني شوي مع مرتي .. بدي احكيلها شغله المهم مش عارف ليش فجأة الحارس غير رأيو و حكا بعتذر على سوء التفاهم خلص مش مشكله اتفضلو واول مادخلنا حجزنا طاوله بطابق المطاعم وتركت عبود قاعد هناك ورحت ادور ع اليسا حكيتمعها ع الموبايل وسالتها وينها حكتلي انها عند المطعم الي جنب السينما ... و اروح هناك واقعد صارلي ساعه بدور عليها ومش لاقيها ورنيت عليها سألتها وينك صارلي فوق الساعة بدور عليكي ... سئلتني انتا وينك بال...ط؟
حكيتلها انا واقف جنب كيس ...الة ... و انتي وينك ؟
حكتلي انا واقفة جنب واحد شكله و لا طخه اوبس (بالانجليزي) وفجأه التفتت وراي
يعني طلعت انا الي و لا طخة .. و طلعت هي كيس
الي حكيت
عنه
و لو تشوفو الصدمة على وجها ... هذا انت ؟؟
هذا و لا الك خص بالوصف الي وصفتيلي اياه عن شكلك
حكيتلها انا ما بكذب
انا فعلاً مثل ما حكيت بس صار مع حادث قبل يومين وهاي اثاره مبينه ع وجهي بس صدقيني انا كنت حلو حكتلي مو مشكله انا مابهمني الشكل انا بهتم بالمضمون وانا طبعا طول الوقفه ماقدرت اميز شكلها من كيش ال...اله حسييت الارض عم بدور فيني مابشع هالوجه ياحبيبي انا كنت بدي احكي كلام رومانسي قعدت ساعتين وانا احفظ فيهم عشان لما اشوفها احكي الكلام الحلو بس اول ما شفت وجها ضيعت كل اشي وقعدت اخبص سالتها ليش الصمغ معبي عيونك حكت هذا الارق طب شو هدا الي ع بنطلونك ببسي قالت لا هاي مرقه لحمه حكتلي انا كنت حلوه بس انحرق وجهي ووشورايك زي ما بحكولي انا بشبها باسكل مشعلاني قلت بتشبهي باسكال ليش جدها كانو غوريلا حكتلي روح طير ولك انا ماكنت مصدق انو الدينصورات انقرضت بس شفتك اتاكدت النو الكلام مو صحيح حكيتلها شوفي ياانسه جراده انا كنت بدي احكيلك كلام حلو بس وجهك مو مساعد بينفع دعايه للمخدرات و انا من الصدمة راح كل تفكيري ... و كل امالي و احلامي راحت
و ركبت السيارة ... و رجعت للبيت و انا متحطم ... كنت متخيلها مثل
انجيلينا جولي
لا لا خلص ... حرمت ... بديش اتعرف على بنات (طبعاً بهاي العبارة
يمكن
عم بحطم قلوب المعجبات ... )
سكرت باب الغرفة ... و نمت .. و صرت بعالم الاحلام هايم
بعرف ما رن التلفون هاي المره لما صحيت الصبح حسيت انو البا بدو ين...ر اقوم فجأة من التخت ... ايش في ... شو القصة ... و لى هو ابوي
بصرخ
افتح يا طريخم ... افتح يا حيوان
و فتحت الباب
و شفت ابوي و وجهه ما كان مطمئن ... و بلش في تكبيس
و اخواني الأنذال واقفين بيتفرجوا ... ما هو فيلم مصارعة على
الطبيعة
المهم
و ابوي
شغال في ضرب سمعتو بيحكي تتجوز من ورانا يا حيوان
قلت له ... و الله ما اجوزت ...
حكالي ... لا ... و مكة مول بيتصلوا فينا و بيحكولنا خلو حسام
يمر
ياخذ مرته الي نسيها مبارح
آه
...... مــبارح ... صح ... و بدي افهم ابوي القصة بس كان شغال
في
ضرب و ما اعطاني الفرصة
و بعد جهد جهيد .. قدرت ابعد عن ابوي و رحت لزواية الغرفة ... و
بيوخذ
ابوي كندرتي و يرميها علي !! و انا بسرعة ببعد عن الكندرة و
القطها
ايدي ... و اخواني شافوا هالحركة من هون
و هما يصفقوا و يصفروا من
هون
المهم اني فهمت ابوي القصة ... و صر ابوي اني نمر ع ابو عبود نوخدوا معنا عشان اكيد قلقان ع عبود وشفت عبود وحكيتلو في الي معك مفاجاه عبود فكر قال اصح يا حسام انو المفاجاه هيه انوا بدي اعرفو على صاحبية البنت او اختها واخذتو معي للسياره وابو عبود ماسك حزام ونازل ضرب ععبود وقعدت مبسوط وانا بتفرج ع عبود المهم بعد هاي الكتله تزاعلنا انا وعبود وانا حرمت اتعرف ع اي بنت زي ما بتقول الاغنيه ابعد عن الشر وغنيله
خلصت يعطيني العافية
بس هذه اول بنت كيف باقي طريق مع بنات
موضوع: قصه حياتي مع اول بنت في حياتي 
الأربعاء مارس 03, 2010 3:40 am
