حكاية باللهجة الفلسطنية

يا جماعة الخير هذي قصة حقيقية
[center]في وحده راحت للعمرة واهي تصلي بالحرم اللي فيه حرمه اللي تصلي وتبكي
تصلي وتبكي وتدعي وتبكي
المرأة استغربت منها وقالت أكيد لها قصة وكان كل مابين فتره يجيها ولد شاب يكلمها ويروح ويشوف شو بدها
المرأة أخذها الفضول وجلست بجانبها وأسالتها ليش تبكين من غير شر
فردت وقالت لها والله من العذاب اللي فيني
وليش؟ شو قصتك!!
قالتلها اقولك قصتي وبعدين احكمي
كنت متزوجة من زوج ونعم الأزواج يحبني ويحترمني ويعزني
بس كان فيني عيب إني ما اجيب اولاد وأنا حاولت بس الله ما رزقني فشرت عليه انه يتزوج ثانيه اهو ما رضى بس أنا ظليت احن واحن لما وافق
فدورتله على المرة وخطبتها له وتم الزواج بس بعد
ما تزوجها ولعت نار الغيرة بقلبي لأنه اخذ يميل لها وما تمينا فتره إلا
والمرأه حامل زادت غيرتي المهم جابت له ولد الزوج انبسط وفرح وظليت انا
افكر بحالي كيف انا اللي شرت عليه
في يوم أجاني زوجي وقالي بسافر مع مرتي الثانيه وبنخلي الولد عندك
ووافقت طبعا لانه ما فيه احد يمسك الولد غيري
سافروا وخلو الولد عندي وكان الوقت شتا وكنت مولعة الحطب(فحم)
والولد عمره تقريبا بين السنة وكم شهر واهو يلعب وينطنط قدامي
وانا بقلبي نار تشتعل مثل الجمر كيف ياخذها ويسافر
ولا !!ويخلي الولد عندي الخ من ها لكلام وفجاه الا الولد يمد ايده بيلعب
بالفحم ومن ناري وغيرتي مسكت ايديه وحطيتها أكثر بالفحم لما ذابت ايده
وبعدين شلتها بعدها ما يحتاج اقولك كيف صارت ايد الولد
واهني حسيت إن ناري طفت اشوي نمنا هذيك الليلة إلا واجاني خبر وفاة زوجي مع زوجته وهم في طريق العودة بحادث
وظليت لحالي عايشه مالي احد غير ربي ومن ثم الولد اللي تشوفيه وصار اكثر من ولدي واعز ويدور راحتي ويرعاني ومالي ظل غيره
واهو اللي يشوف طلباتي وطلبات البيت ومو مقصر معاي بشي
بس أنا كل ما شفت ايده يتقطع قلبي على اللي سويته فيه واهو ينادي بيمه بس لحد الآن ما قلتله إني أنا اللي شوهت ايده
ولازلت اعاني من العذاب وتأنيب الضمير وادعي ربي يغفر لي ذنبي
سبحان الله كيف حكمته انه صار ها لولد خير لي لولا ها لولد كان أنا حالتي حاله
وبعدين أجا الولد واهو مخبي ايده ويبوس راسها ويسألها ها يمة نروح الحين؟؟؟

وعسى ان تكرهوا شيئا وهو خير لكم

[/center]

قصة احزنت قلبي وفي نفس الوقت اعجبتني لما فيها من العبر
اسال الله ان يغفر لها
ولا حولة ولا قوة الا بالله

ميرررررررررررررررررسي لؤؤؤؤؤؤؤؤؤي روووووووووووعه يسلموووووو

روووووعة يسلموووووووووووووووو

يسلموووووو ع الرد والمرور

» حكاية قلب
» حكاية ألمي المدفون بداخلي
» حكاية انسان ... أتعبته الأحزان